Բոլոր ժամանակների մեծ մտածողները փնտրել են փիլիսոփայության հիմնական հարցի պատասխանը: Իսկ ո՞րն է «Փիլիսոփայության հիմնական հարցը»: Տարբեր ժամանակներում, տարբեր ուղղություններ այս հարցում տարբեր մոտեցումներ են ունեցել: Այսօր, երբ հայկական բլոգերների էջերն ես նայում, բոլորը քննարկման գլխավոր առարկա են դարձրել «odnoklassnik»-ը և «odnoklassnikayin statusner»-ը՝ կնքելով «chstatusner» անվանումը: Դեռ ավելին, դրանք արդեն մասերի են բաժանված՝ Մաս առաջին, Մաս երկրորդ...
Պարզվում է նորագույն ժամանակներում «Փիլիսոփայության հիմնական հարցը» նոր ձևակերպում է ստացել՝ «ստատուսնե՞րն են առաջնային, թե՞ մտածողությունը»:
Իրականում մի բան է միայն առաջնային բլոգեր-ընկերներիս համար՝ քննադատել քննադատելին՝ որքան հնարավոր է ուշադրության կենտրոնում գտնվելու, այցելություններն անսպառ դարձնելու համար:
Մի բան էլ, նկատե՞լ եք, երբ մեկը արձագանքում է մի իրադարձության, մյուսներն աշխատում են «ետ չմնալ» և խնդրեմ «copy past»-ը կա ու կա... Այս առումով ամենագրավիչը ստատուսներն են, քանի որ զգալի թվով փնտրողներ ունեն ու մեծ պահանջարկ են վայելում: Չէ՞որ հաճախ մարդու մասին կարծիք են կազմում ըստ նրա գրած ստատուսի...
Ուրեմն ի՞նչ անել, հարգելի բլոգերներ, անդրադառնա՞լ ստատուսներին, թե՞ քննարկել ավելի լուրջ հարցեր, ի վերջո լուսաբանման արժանի շատ ավելի լուրջ հարցեր կան:
Комментариев нет:
Отправить комментарий